monumenta.ch > Plinius > sectio 97
Word Selection for Searching
Report an Error in this Sectio
Plinius, Naturalis Historia, 20, 97
{XXXIX} Scillarum in medicina albae et feminae nigrae; quae candidissima fuerit, utilissima erit. huic aridis tunicis direptis quod relicum e vivo est, consectum suspenditur lino modicis intervallis. postea arida frusta in cadum aceti quam asperrimi pendentia inmerguntur, ita ne ulla parte vas contingant.